ربي اغفرلي
مشرفة قسم في رحاب الله
 الأوسمة :
|  موضوع: 000.....زاويا في المجتمع ....000  22/12/2010, 13:15 | |
| يتمتع بعض أفراد مجتمعنا
بصفات وسلوكيات خاصه قد لانجدها في أي مكان
على وجه المعمورة,
وعندما اقول صفات
أو سلوكيات أقصد
الغير حميدة منها.
باختصار قد تتفاجأ
في أحد الأيام بأن يأتي أقرب الناس إليك- سواء أخ او عم
أو ابن خالة أبوك من
الرضاعة أو حتى جارك
قبل 30 سنه - وبدون
أي سبب يأخذ نفساً عميقاً,
ويوجه لك هذه العبارة:
"تراني شرهان عليك" !!!
ثم يردفها بعبارة "
الحين يوم انك" ....إلخ,
وبالنهاية تكتشف أنه شره
عليك لأنك لم تحضر
زواج ابنه الذي أقامه في
قرية تبعد عن مكان
إقامتك 550 كيلو.
وبالطبع لابد في هذه الحالة
أن تبعد عن الشر وتغني له
, ولا بد من أن (ينط عِرق المجاملة) عندنا فتعتذر
بأنك كنت مشغولاً جداً
أو ماعندك إجازة,
فتتفاجأ مرة أخرى بقوله:
طيب , "الحين يوم انك"
حضرت زواج فلان اللي
كان قبله بأسبوع وماحضرت
زواج ولدي. تقول في نفسك:
(الله اكبر وش ذا الزواج
اللي تبيني أحضره), مجموعة
من البشر حضروا بعد
صلاة العشاء لمكان إقامة
حفل الزواج , وسلموا على
بعض, وجلس كل ثلاثة
منهم بشكل انفرادي في
زاوية.
في الزاوية الأولى: -
شفت فلان مر من عندنا ولا سلم؟
- ماعليك منه شايف نفسه.
- أبسألك العريس موظف؟
- لا مو موظف, بس يطقطق بالمحاماة
- ايه أجل معقب؟
ليه زوجوه؟
- لا مو معقب, تراه شريك
في مكتب محاماة وعنده خير
- ماشاء الله, أجل تدري خلني أروح أبارك له مره ثانيه, "يستاهل"
----------
في الزاوية الثانية: - شفت مشلح العريس؟
- لا, وش فيه؟
- قصيّر ومغبر!!!
- يارجال مشلحه يهون عند مشلح أبوفلان اللي ماغيره من عرفته
- إلا على طاري فلان, هو جاي الزواج؟
- إيه, شفه جنبك, خلنا نسلم عليه
- بعد السلام مباشرة: "يالغالي ما تزوجت؟ متى تبي تتزوج؟
- طبعاً يرجع (ينط عرق المجاملة) ويقوله فلان: يله على إيدك
يتنتهي الحوار بابتسامة صفراء, ونظرة ساخرة, مع رشفة بيالة الشاي
-----------
في الزاوية الثالثة: - فلان وش اخباره؟
- بخير بس من زمان ماكلمته لأنه يكمل دراسته برا
- كم له مبتعث؟
- له سنه
- وش بيدرس؟
- دكتوراه
- مهب كنه طول؟ لا يصير رسب
- وين مبتعث؟
- لبريطانيا
- ايييييه بريطانيا, لايهمك تراها سلق
- إلا قلي انت وش صار عليك؟
- ابد والله فصلت من شغلي, ومالقيت وظيفة تعرف مامعي إلا متوسط, بس شكلي بقدم على ابتعاث, فلان مهب أحسن مني !!!
--------
الزاوية الرابعة: - ياخوي ماتلاحظ إن العشاء تأخر؟
- إيه والله, امتلت بطوننا من شاهيهم الحالي
-(اقلطوا حياااكم الله)-
- اقول, ماتلاحظ إن الأكل بارد
- إلا, وماتلاحظ إن الخيار اللي بالسلطه كثير
- إلا, هذا وهم مسوين الزواج بفندق, على بالهم متمدنين
- وراهم حاطين بيبسي وماحطوا سفن أب
- تدري خلني أروح آخذ لي حلى قبل مايخلصونه ذالمشافيح
وبالطبع آخر من يطلع من وليمة العشاء أبطال الزاوية الرابعة , وكل واحد منهم بفمه خمسة أعواد أسنان
-------
تنتهي وليمة العشاء, وبنهايتها ينتهي حفل الزواج الممتع بهروب العريس من بثارة اللي عازمهم, وبعد كم يوم تقابل عم العريس ويقولك: "الحين يوم انك" ماحضرت الزواج؟ تقوله إلا حضرت, وبالتحديد يالحبيب أنت كنت قاعد في الزاوية الثالثة. يقول إيه زين بارك الله فيك, طبعا أنت تفرح لأنك في الحقيقة لم تحضر الزواج لكنك معتاد وتعلم بأنه من عشاق الزوايا, لكنك تتفاجأ بأنه يرجع ويقول لك: طيب "الحين يوم انك" شفتني ولا جيت سلمت, انت ماتستحي؟؟؟!!!
خاتمه: في مجتمعنا الكثير من السلوكيات والأخلاقيات المتعبة والمؤذية , والتى كم تمنيت أن تنقرض, إلا إنني وأنا أتمنى جاني أبوزاوية وقال: "الحين يوم انك" تتمنى؟ ماتبينا ننبسط يالوقح!!!
زاويا نسائيه
الزاوية الاولى: طالعي طالعي!!!!
من حضر الزواج
اوف اوف زوجة الدكتور فلان
ترى زوجها صار استشاري
على ايش ماخذها لاجمال ولا اناقه
اسكت ترى قربت من طاولتنا خلينا نسلم عليها
الزاوية الثانيه
طالعي بنات فلان وين جالسات
ما شاء الله عليهم ادب واخلاق
اسمعي ترى مسكينات ما احد خطبهم
اكيد مهورهم ما احد قدر عليها
لا مهورهم عاديه
اجل قولك اخطب للولدي منهم
ما انصحك ابوهم اقشر
ام الفستان الوردي بنت اختي حافظه القرآن وراعية بيت(بنت الاخت قامت ترقص وتردد الاغاني مع الطقاقه)
وزوج اختي ابن حلال طيب وربي موسع عليه
الزاويه الثالثه
والقلم لك
خاتمه الزوايا النسائيه/جات ام زاويه وقالت/ يوم انكم تطالعون الموضوع ليه ما رديتوا المجتمع كذا لاتزعلون من الزاويا |
|
ربي اغفرلي
مشرفة قسم في رحاب الله
الأوسمة :
| | موضوع: رد: 000.....زاويا في المجتمع ....000 22/12/2010, 13:37 | |
| زاوية اخرى من مجتمعنا :
زعيمتها ومديرة الحوار فيها أ !
أ : شفتي فلانة كييييف متغيرة ؟!
وكييييف مرت ولا سلمت ؟ !
هو كل من درس دراسات عُليا تكبر وشاف نفسه ؟!
ب : لا والا أختها كييييف رافعة خشتها !
تناظرن باحتقار !
مالت ع هالوجيه !
جليساتها لا لا هن كذا بنات فلانة
فيهن شوفة نفس يالله عفوك !!
أ : شوفي شوفي فلانة !
هأأأأأأأأأأأ هذي اللي تقولن حلوة ؟!
وعععععععع صح ماعندكن ذوق !
وين الحلا بالله ؟!
تخرع كأنها أبو فلان جارنا !!
( مرت من جنبهم ع )
التفت أ لجليساتها أقول مادريتوا عن ع ؟!
وش فيها ؟ ( بصوت واحد ! )
طلقها زوجة ,؛
ليش ؟! ( وأيضاً بصوت واحد ! )
سكتت تبي تألف
إيه يقولون رفلا وماتشتغل ولدها
يظل بحفاظته تكرمن من الصباح لين ينام !!!
ولسانها طويل على أمه وأبوه !
جليساتها : وييييييييه والله مالومه ياشين المرة لياجت رفلااااا !
لا وطويلة لسان على أم وأبو الزوج !
د : إيه من البداية ليش ياخذها وهو يدري
إن بنات فلان متعودات على الدلال ورفلات ؟!
أ : يقولون أمه غصبته ؟!
هـ : لا لا محد يغصب أحد مير فراغة بعيون الرجال !
أ : والله ماتدرين الصج وين !!!
يالله بنات أستأذنكم !
قامت لفت لها كم لفة لين تغيب عن نظر
جليساتها وراحت لطاولة ع
سلمت وجلست تقلب نظرها تريد تلقى
لها محادثة تبدأ بها !
أقول ع :
ع : هلا حياك ياقلبي قولي ,؛
شفتي هالناس اللي ماتخاف ربها وش مطلعة عليك إشاعة ؟!
ع : ؟!! إشاعات ؟!
خير إن شاء الله ,؛
يقولون زوجك طلقك إنك رفلاااا ووليدك يظل بحفاظته
تكرمين من الصبح ليالليل !!
ورجلك أصلاً مغصوب عليك !!
لا ولسانك طويل على أمه وأبوه !
!!!
|
|
ربي اغفرلي
مشرفة قسم في رحاب الله
الأوسمة :
| | موضوع: رد: 000.....زاويا في المجتمع ....000 22/12/2010, 13:38 | |
| جات ام زاويه
ياحريم ما كن حفلتهم طولت على الفاضي
لا وصحون الحلى قديمه
وراهم طفوا الانوار متعمدين جات عروستهم
وع وع هذه الي يقولون حلوه ؟!!!!!!
راحت ام زوايه تسلم على ام العريس
نطت عروق المجامله والكلام المعسول
مدح وثناء و...... و..... و.......
اليوم الثاني
الو ام فلان كيف الحال ليه ما حضرتوا
زواج ولد فلانه (سؤال سريع في اول المكالمه)
والحمد لله ما حضرتوا الزواج ماله لالون ولاطعم
طقاقه ام الفين ريال
والقاعه قديمه واهل العروسه شكلهم بدو
االظاهر ابوها راعي غنم
وبنتكم ليه ماتزوجت؟؟؟ وتخرجت وما تعينت؟؟؟
ترى ولد فلانه طلع من السجن ويدورن له عروسه
وما عليك الايام تصلحه
بنتكم لين متى تجلس الي بسنها عندهم عيال
البنات اذا قعدوا من غير زواج يجيهم
نقص عاطفي وينحرفون
(الاخت مطوعه)
الزبده يوم ان امهات الزاويا كثروا بالمجتمع
ليه ما نواجههم ونردعهم
ممكن نكون امهات زاويا بطريقه اخرى
__________________
|
|
الرئيسية
دخول
