يعطيك الصحة جوجو على الموضوع

كيما تعرف سنافري كبروا و اصغرهم شيماء 12 سنة وفارس 8

في الوقت الحاضر عندهم جمعتين في عطلة [ندعوك للتسجيل في المنتدى أو التعريف بنفسك لمعاينة هذه الصورة] و يرجعوا نهار الاثنين [ندعوك للتسجيل في المنتدى أو التعريف بنفسك لمعاينة هذه الصورة]

في الصباح يقوموا ياخذوا بفطور الصباح و بعد يشدوا التلفزة

حصيلوا الطقس بارد على الخرجة يعدوا النهار بين اللعب و لوردي و الكنسول

هاني في جرتهم باش يحفظوا السور القصار من القران لخرة اما النطق يضحكوا

البارح خرجت معاهم و مريم على ساقينا هزيتهم لماكدو

رغم نبه عليهم قبل الخرجة اما كيف يوصلوا للمغازة يعملوا كيف ما يحبوا خاصة سي فارس

ان شاء الله تسخن الدنيا و نخرجوا اكثر

كان تفكرت حاجة توة نرجع

نورتي باضافتك الحلوه ام شيماء و ربي يخليلك الابطال الصغار و الاميرات تشوفهم احلى عرايس
و بالحق الطقس عندكم تو ما يشجعش برشا ع الخروج و نهنيك انك شاده فيهم باش يحفظو الصور الصغار شدي فيهم الصحيح و كله باجره و باذن الله يكبرو و يشكروك
تعرفي ممكن تعملي معاهم نهار و الا 2 في الاسبوع ممنوع لكلام معاك بالفرنسيه
باش يتعودو بالعربي و النطق يتحسن و لو يتكلمو بالعربي خير و بركه


اما انا
ملي دخل حمزو يقرا الوضع تحسن و ارتحت شوي
نقوم ال6 و نص نحضر حليب حمزه و نلبسو و ال7 يركب في الباص
حاولت معاه ياكل الصباح لكن ما حبش ما يشرب كان لحليب
المهم ما نعاود نشوفو كان ال1و نص

انا نرجع نرقد مع عمرو و نقومو مع ال9 ممكن اكثر و ممكن اقل
نهبطو نفطرو راس و رويس و بعد نعمل دوره ع الدار نحضر لفطور لو مافماش فاضل من الليل و بعد انحل النت

لازمني نلقى حاجات تشغل عمرو في وقت الصباح

لعشيه لازم من العرك بين لثنين
و ساعات عسل هما و الجو
شريتلهم العاب ترطيب اشكال و ارقام الخ

ساعات نخرجهم للبارك يلعبو شوي و نعمللهم نهار للعب بالتراب البره يموتووووووووووووووو على حاجه ابها تراب و تخنطيز
وحد ما نروح ع طوووول دوش
نعشيهم مع 7 و بعد نحللهم التلفزه
ما تجي ال8 كان هما يشخرو
و نقعد انا نتعشى مع المسيو في راحتنا بدون حس


و بس

كاني كثرت هدره


لي عوجه

ربي يحفظلك السنافر جوجو

و حاجة باهية كيف يرقدوا بكري فارس العشرة و مازال فايق يعاند في الكبار

و احلام ربي ينوب عليك بسنفور و الا سنفوره

انا ها الزويز لخرين باش يهبلوني و ماعاتش وسع البال باكل

نثبت كنت نلعب مع مريم و منى بالعرايس و نتفرح معاهم في الصور المتحركة

صغار توة صعبوا و ماعاتش كيف قبل

جاب ربي الكبار يعاونوا شوية خاصة منى هي امهم الثانية هي اللي تلعب معاهم و هي اللي تخرجهم

و المكثر نخرجوهم بالواحد خاطر لثنين مع بعضهم يعملوا بعمالهم

توة مريم باش تخرجهم فما معرض متاع كلاب حشاكم و قطط باش يتفرجوا فيه

حلملم
اكيد ما يكمل الموضوع كان بمشاركاتك و مانيش باش نخليك تهرب
وان شاء الله يجي الي يونسك و يهبلك و يخليك تصيح عليه
اكيد عندك افكار للاطفال مثلا العاب لاوقات الفراغ او اي شي يخطر ع بالك
و اضافتك تسعدني


ام شيماء
الحمج لله كيف ما قلتي كيف يرقدو بكري
قبل وقت الي حمزه ما يقراش كان هو وخوه يعملو قيلوله و يرقدو مع ال9 لكن تو لا ما يرقدوش في النهار لذلك يرقدو بركي
و انت ما شاء الله من ايجايات الفارق لكبير بين الاطفال انه بكرتك تهتم بلي اصغر و ترتحك شوي
و سبجان الله لولاد الكل ديمه عراك لكن والله ايامات حلوه
كيف نتفكر كيفاش كنت مع اخوتي نقعد نضحك وحدي و نتمنى ترجع ليامات

لطيفه
اهلا و سهلا
شنحواالك ليا برشا عليك
ربي يخليلك الوته و اخوتها
هيا قوللنا كيفاش عاملا معاها خليني ناخذ افكار بحكم تقلب الاعمار مع ولدي


حلملم
تنوري يا بطه و هاني نستنى

هاني رجعت مع رجوع المكتب

في الليل 3 D

devoir - douche - dodo

اما سيدي وقت النوم كل شي يولي يوجع فيه و يجوع باش ما يرقدش

و توة يقول حتى شيماء ترقد زادة

في الصباح نقيمه السبعة و نص هو يمشي للبيت البانو و انا نمشي نحضرله حوايجه

نخليه يلبس و نمشي نحضرله فطوره

اما يلبس حاجة و عين في التلفزة و ما يكميل الا حليبه يبرد و يقلي عاود سخنه

و ما يحب ياكل حتى شي مع الحليب قهرني

كيف يكمل يفطر يحط يلعب بالكنسول و ساعات نتفقدوا الكرتابلا و التروس كان ناقص حاجة

شيماء تبارك الله كبرت تحضر روحها وحدها الا شعرها ما تنجمش وحدها

و ساعات تنرفزني على اللبسة تحب تلبس كيما تحب مش حسب الطقس

في نص النهار فارس يروح يفطر و شيماء تعدي نهار كامل في الكولاج تفطر غادي

هما خرجوا وانا هاني دخلت هنا

و توة باش نقوم نخمل تحلالي القضية كيف نبدى وحدي ترانكيل

اقتباس :

في الليل 3 D

devoir - douche - dodo

عجبتني هالعباره
و احسن ما عملتي
انا زادا هكا الا الدوش ساعات لا
لكن يعرفو ملي نعشيهو و نطلعهم الفوق انه البيجاما يستنى و فرشهم زادا

اقتباس :

اما يلبس حاجة و عين في التلفزة و ما يكميل الا حليبه يبرد و يقلي عاود سخنه

فكرني في وحده اسمها جوجو و اختها ههه
كنا كيف كيف لين مسكينه امي تحلف و تسكر التلفزه

اقتباس :

و ما يحب ياكل حتى شي مع الحليب قهرني

نفس المشكله مع شي حمزه حليب و بس
و ساعات نتحايل عليه بكعبه كوكيز نقولو كان تحب تولي كبير كولها
يولي ياكل و يقول باش نولي قد الباب ههه

اقتباس :

شيماء تبارك الله كبرت تحضر روحها وحدها الا شعرها ما تنجمش وحدها

زايد مع لبنات في كل شي يرويحو اماتهم
ربي يحفظها
و كان على شعرها قصي منه شوي ارتحلك انت في لغسيل و التمشيط و ممكن بعد هي وحدها تمشطو

اقتباس :

و ساعات تنرفزني على اللبسة تحب تلبس كيما تحب مش حسب الطقس

ايه بالحق ممكن هذا الجانب السبلي في البنت كاني ما كنتش نشكر الفوق ههه
حاولي تحضري معاها اللبسه من الليل باش ترتاحي من تكسير الراس الصباح

اقتباس :

و توة باش نقوم نخمل تحلالي القضية كيف نبدى وحدي ترانكيل

اه والله راااحه نفسيه و جسديه كيف يمشو يقرو
و حتى القضيه تشرهي عليها

أم يونس كتب:

ماشاء الله موضوع رايع جوجيتا
ربي يحفظ أولادنا و يجعلهم من الصالحين و يرزق كل محروم ياارب
لي عودة بإذن الله لسرد يومياتي مع يونس مع أنها مش يومية ...

مرورك الاروع ام ننوس
واميييييييييييييين ع الدعوات الحلوه ربي يتقبل
انتظر عودتك حبيبتي

هذي بعض الالعاب الي تشد انتباه حمزه
بعد السيارات طبعااا غرااامه السيارات الي تكركر في القوارب
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

LEGO يا حسرة قداش لعبوا بيهم مريم ومنى و تلقاني نلم فيهم من تحت فروشاتهم

اما الغريب شيماء و فارس ما لبعوش بيهم برشة رغم عندهم

فارس لعبته المفضلة

[ندعوك للتسجيل في المنتدى أو التعريف بنفسك لمعاينة هذه الصورة]
كل شهر يطلب في لعبة متاعها جديدة و هما الغلى والكوى
هاني عاملة معاه مفاهمة تقرى و تجيب اعداد باهية نشريلك لعبة

و لعبته المفضلة زادة الكورة
شريتله كورة قماش باش يلعب بيها في الدار من غير تكسير
نهار كامل و هي بين ساقيه

[ندعوك للتسجيل في المنتدى أو التعريف بنفسك لمعاينة هذه الصورة]

و الغريب في امر ولادي شيماء و فارس مازالوا يلعبوا بالنونورس
عنهم يجي 20 واحد و الا اكثر و كل واحد و اسمه و كان ينقص واحد يفيقوا و يلوجوا عليه كينه عبد راحلهم
و كيف يلعبوا يتكلموا معاهم كينهم عباد
ساعات يفرتوهم في كل بقعة نولي نلمهم و نخبيهم و يلوجوا عليهم و يطلعوهم
و الصغار كيف يلعبوا و يتكلموا يعاودوا اللي صارلهم في المكتب نبدى نسرق في السمع ما غير ما ينتبهوا
سالت الطبيبة على اللعب بالنونورس و خاصة كيف يكلموهم
قتلي باهي و ينمي الخيال عند الصغير l'imagination

[ندعوك للتسجيل في المنتدى أو التعريف بنفسك لمعاينة هذه الصورة]

شهيتوني في الالعاب

[ندعوك للتسجيل في المنتدى أو التعريف بنفسك لمعاينة هذه الصورة]

عدنا من جديد

==

تعرفي علاش ام شيماء ما لعبوش بيهم كيما اولادك لخريت
على خاطر حتى مفهوم اللعب تبدل تو
كل شي الكترونيك
تي جتى الصور المتحركه تبدلت على قبل يا حسره
توها كلها ضرب و صراعات

و النونورس شهيتيني فيهم ملا مجموعه

==

حلملم تفضلي اغطسي في وسطهم ههه

==

حبيت نتكلم اليوم على تعويد الاطفال من صغرهم على النظام و المعاونه و النظافه
نعطيكم امثله الي انا جربته مه لولاد
حتى من الصغرون يسمع و يفهم ما شاء الله

مثلا اعطيتهم عصير لالازم بعد ما يكملو كل واحد فيهم لازم يرميه بروحه في الزباله اكرمكم الله حتى ولو كنا البره
موش لوح و تعدى تو يجي شكون يلم

=

بعد ما يلعبو في بيتهم و اكييد يقلبو الدنيا بالالعاب
نعملو سباق شكون يلم اسرع و ينظم
و لثنين ما شاء الله يتسابقو و البيت ترجع كيف ما كانت

=
عودت حمزو ملي يدخل من المكتب ع طول يمشي يغسل يديه طبعا بعد ما نساعدو في تبديل حوايجه

=

ساعات نبدى في الصاله و في يدي مغرفه و الا كاس المهم حاحه خفيفه نوصي عمران يحطها فوق الطاوله في الكوجينه
طبعا مع المراقبه

=
كيف نبدل فرش حمزه لازم يساعدي ولو يخلوض اكثر من الازم ههه لكن باش يتعلم

=

اممم شنوه لاخر
اي كيف يجيني ضيف
لثنين يهزو مثلا الخبز و الا لمنادل
الحاجات لخفيفه

=

نحب نعودهم زادا على حب بعضم و القسمه
بمعنى
كيف واحد منهم عندو حاجه يقسمها مع خوه

قبل النوم يبوسو بعضهم
نحاول لانه ساعات سي حمزه يرفض ههه

و عودهم زادا يبوسوني انا
و نعودهم ع لكلام لحلو
باش يكبرو و يكون الامر عادي يعبرو بالشكر و الحب الخ
مثلا دائما حمزو قبل ما يرقد يقولي
ماما نحبك برشا في قلبي
وانا لازم نجاوب وي على قلبي ههههه كان نسكت يقولها هو ههههه




لي عوده ان شاء الله مع الجانب الديني الي هو الاهم

السلام عليكم


تبارك الله عليك جوجو ما شاء الله الي لتيه الكل بالقدا

وهكاكا تربي في السنافر القيم منالصغرة

والاعتماد على النفس

وهاني متابعة معاكم

شوفو محلاها شقاوة الاطفال

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذا الرابط]

ملا صور حلملم يهبلو خصوصا الي تقول انا بنت ابوي هههههههه
والله لبنات تو ولاو يخوفو ههه

===

سمرمر
يا هلا يا هلا
ابشري المواضيع الي كيما هكا تو نبعثوهملك و الي نعملولهم رفع و انت اهبط اللوطه بالكل في المنتدى تو تلقى المواضيه الي تم المشاركه فيها اخيرا

===
ما شاء الله عليك تقوم بكري
اولا قداش عمرها الاميره
و برنامجك حلو خصوصا القومه بكري تخليك تعمل برشا حاجات

===

نرجعو للجانب الديني
نحاول نغرس القيم الدينيه في اولادي من الصغره على قد ما نقدر و الي نعرفه طبعا
و نمشي معاهم بشوي بشوي باش ما يملوش
طبعا ما تقولوش صغار ما يفهموش لالالالالالالالالالالالالالالالا
والله الطفل ذكي اكثر ملي تتصورو ومخو يخزن كل شي
شوفو الاجانب يبدى الطفل مازال يرضه و هما يفرو في القصص و يحلولو البرامج في التلفزه الخ

المهم
اولا حمزو حطيته في مدرسه اسلاميه
يعني يحفظوهم الصور لقصيره الادعيه القصيره و حاجات هكا
طبعا من غير العربيه و الانجلش
و ما شاء الله بدى يتعلم
=
في الدار مثلا كيف نبداو طالعين الدروج نبدى نسبح و نهلل و نكبر في كل درجه و هما يعاودو و الا ساعات نقول الارقام و الحروف
و حتى من الفرخ عمرو يحاول يتبع خوه

قبل الماكله لازم يسمي الله و بعدها يحمد
قبل النوم ينطق معايا الشهاده و نعاودو نكبرو و الا نستغفرو
المهم عبارات قصيره جدا
و المعوذات و الا ايه الكرسي

اممم شنوه لاخر
اي كيف نصلي يحب ياقف جنبي و اكيد يعمل نفس الحركات و نحاول نهار الجمعه يمشي مع بوه باش يتعود على المسجد و الجماعه

و هكذا
كان تفكرت حاجه تو نرجع اكييد

ما شاء الله جوجو برنامج ديني رائع

ربي يهديهم و يكونوا من الذرية الصالحة

و الاقامة في بلاد مسلمة و متوفر فيها المدارس الاسلامية يساعد برشة

اما كيف تعرف في فرنسا كان ما تعملش مجهود شخصي مع ولادك ما فما حتى شي يشجع على الدين

بالعكس نهار كامل في الاخبار ما كلاههم كان نقد دين الاسلام و الطعن فيه

هاني في الدار نحاول قدر المستطاع نقربهم للدين بحفظ الايات الصغيرة

و فارس ساعات يقلي عملت كوشمار نقله اقرى اللي تعرفه من القران و توة تشوف ما تعملش كوشمار

و البسملة والحمد والشكر و ذكر الله بقدرة ربي كيف ديما يسمعوك يتعودوا عليه و يعاودوه

================

و الذكر في الدروج فكرة باهية اما كان نعملها هنا توة يقولوا مجنونة [ندعوك للتسجيل في المنتدى أو التعريف بنفسك لمعاينة هذه الصورة]

ربي يحفظ لارا الصغيره
و تشوفها من الصالحات

----
ام شيماء
مجنونه مره وحده ههههههههههههههههههههه
اللطف عليك
لكن بالحق نتخايل فيك في الكولوار وانت تكبر هههههههههههه
انا دروج الدار ما سمع حد
و اولادك حاول معاهم قد ما تقدر و ربي يحفضهم







[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم


هاني كل مرة ندخل نتقطس عليكم شوي ههههههههههههههه

جوجو تبارك الله عليك وربي يحفظلك السنافر ويجعلهم من الصالحين البارين

وكلامك صحيح عمرك ما تقول هذا صغير ما يفهمش

بالعكس تو تبارك الله يهبطو من كروش امهم عارفين كل شيء

وفي عوض ما نحقضوهم ها الاغاني كيف برشا ناس

نستفيدو من نباهتهم في العمر الصغير في تعليم دينهم

وضحكتيني على عمروووش كيف يتبع في خوه

تبارك الله بالقدا ناس قبل يقولو ربي الكبير وسيب العيلة معناها الي بعدو الكل يتبعوه

ربي يباركلك فيهم




سمر تبارك الله لارا مزالت صغرونة [ندعوك للتسجيل في المنتدى أو التعريف بنفسك لمعاينة هذه الصورة]

ربي يطرحلك فيها البركة

عجبتني انك تصلي بحذاها باش تسمعك

هو في العلم الصغير يسمع وهو في بطن امو يعطيك الصحة




ام شيماء ربي يكون في عونك

بالاخص كيف ما قلتي التربية الدينية في البلاد الاروبية صعيبة برشا

وخصوصا السنين هذي اللطف حاطين الدين في رؤوسهم يحبو يلغوه اللطف

وبقدرت ربي انت مأجورة ربي يبارلك في صحتك وفي اولادك

هاني شاركت هههههههههههههههههههههههههههه



[ندعوك للتسجيل في المنتدى أو التعريف بنفسك لمعاينة هذه الصورة]

في محلها و نص
نحب الانواع هذي
تسلي و تعلم في نفس الوقت

[ندعوك للتسجيل في المنتدى أو التعريف بنفسك لمعاينة هذه الصورة]

ليلى يلزم توسع بالك و تلعب معاهم

و الله متعة كبيرة

انا مريم كيف كانت صغيرة عاملتها كيف الدمية ساعات نشد نعمللها مكياج و نلبسها ذهبي و هي في عمر ولادك

و نصورها توة كيف نجبد التصوار نتفكر هاللحضات الثمينة اللي عمرها ما ترجع

و كيما تعرفوا في تونس ما تربيناش باللعب كيف في فرنسا كل شي متوفر

انا داركت مع بناتي مريم و منى في اللعب كل لعبة نشريهالهم نكتشفها و نلعب معاهم

مرة عشية كاملة واحنا نلعبوا نعملوا في عرس الباربي

لبسنا العرايس و حطينا الفرقة و نقسملكم بالله حطيت الكاسيت و تعشيقة العروسة و هما يشطحوا و يزغرطوا

و للتوة يتفكروها العشوية

و بعد تنحات النفحة و ما لعبتش مع الصغار كيف الكبار

=======

ليلى باهي تتلهى بماكلتهم و صحتهم يعطيك الصحة

لكن ما تنساش جانب اللعب و الضحك معاهم والله احلى اللحضات و الايام اللي تفوت ما ترجعش

و ربي يحفظهم

نورتي ليلى و ربي يحفظلك الفرسان
ممكن تقصيرك لنهم توامه و انت خدامه
فركزتي على الاهم بالنسبه ليك و هو النضافه و المظهر الخ
لكن اللعب مهم جداا للطفل لو موش الشي الاساسي
يعني هذي فتره لعبهم و تنقيزهم
نعرف يتعبو انا عندي ثنين و اعمارهم متقاربه و اولاد يعني لعبهم غير و خيويتهم اكثر
لكن نحاول نوسع بالي معاهم ولو اني حاسه بالتقصير

و نعرف الي النهار الي يتعدى معادش يرجع
كيف ما قالت ام شيماء
هذي اللحضات ما تتنساش
والله نتفكر وقت الي كنا صغار امي كيما ام شيماء تلعب معانا
و ساعات نتزينو و نقومو نشطحو و هي تصور
لحظات جمييله جدااا

انت حاولي نظمي وقتك و تفرغيلهم حتى نص ساعه في النهار
و الا الويك ان كيف ما تخدمش خاولي عوضيهم
هزهم للحديقه و الا لبحر تو هيهي الدنيا سخنت
و الا في وسط الدار
المهم فرهدهم شوي