صباح النور معطر بالبخور

احلام يضهرلي تحكي على البتراف (اللفت السكري)

البارح قلتلكم كسكسي

فوحت بما انه كسكسي و في اخر وقت تبدل البرنامج

و فورت النواصر في عوض الكسكسي

اللي ما يعرفهاش هي رشتة مقصوصة مربعات صغيرة

كل عام نجيب عولتي منها

ندهنها بالزيت قبل ما نفورها و في الفورة الثانية نرشها بالماء

و نسقيها كيف الكسكسي ونخليها تشرب السقى بعد نخلطها

نحط عليها شوية قرفة مع السقى

و عندي ماسكربون باش يوفى الاجل متاعه عملته تيراميتسو ما صوتوش

[ندعوك للتسجيل في المنتدى أو التعريف بنفسك لمعاينة هذه الصورة]

سلالالالالالالالالام للحلوييين

ما شاء الله صحونكم تفتح النفس
[ندعوك للتسجيل في المنتدى أو التعريف بنفسك لمعاينة هذه الصورة]


حلملم
صحنك يشهي خير ملي جبتيه من النت
باين عليه محرحر
لكن كانه اللفت السكري ما نحبوش ههههه


ام شيمان
الصحن لك تفضلي
و صحنك يشهي كان جى حمزه حاضر راهو خطفلك الحمصات من فوق الصحن هههههه


انا ليوم عندي فاضل البارح عجه بالمرقاز
و في اليل حاايره
ماعادش عندي لا لحم لا دجاج
[ندعوك للتسجيل في المنتدى أو التعريف بنفسك لمعاينة هذه الصورة]كان نقوله يذبحني على خاطر اول امس هزني نقضي و نسيت

هذي تصويرة البتراف

اما الي طيبتو ماعناش منو في تونس

واسمو قلقاس

يبه برشا للبطاطة

اما هو فيه برشا نشا
لو لاحضتو في التصويرة الاولىالماء ولا كيف الحليب
يحب يتغسل برشا مرااات

وبالشفاء ليكم

ام شيماءتبارك الله الصحن يشهي

واليوم زدتيني معلومة

احنا النواصر نطيبوها بالصوص كيف متاع المقرونة
اول مرة نعرفها بطريقة الكسكسي

اليوم باش نزيد صحن مقلي مع صحن المرقة متاع امس وسلاطة اكيد

شااااااااااااهية طيبة للجميع


[ندعوك للتسجيل في المنتدى أو التعريف بنفسك لمعاينة هذه الصورة]

صحن مقلي بالزربة

اليوم ماعينيش باش نعمل حتى شيء

شاهية طيبة

حتى صحين المقلي ما عندك ما تقول فيه

نزلتلي على الفلس يا احلام

نموت على العضم مقلية مع الطماطم والفلفل

كان نقلك كيف كنت حبلة بفارس كل يوم هذيك ماكلتي

توة عرفته اللي طيبته اسمه بالفرنسي topinambours

بالحق يشبه للبطاطة و فيه برشة حريرات بسبب النشويات

[ندعوك للتسجيل في المنتدى أو التعريف بنفسك لمعاينة هذه الصورة]

اليوم ما طيبتش في الفطور عندي نواصر البارح

مريم ومنى في الدار يعملوا في ريجيم و البقية اليوم ياكلوا في الكانتين

العشاء جبدت فخاض دجاج في الفور

و سلاطة و ما نعرفش شنوة باش نعمل معاهم

جوجو حمزوز عكس فارس اللي ما يحبش ريحة الحمص يبدى ينقي فيه

بالشفاء ليكم الكل


ايه ام شيماء هذا هو بي ينور عليك

وحتى انا كيفك راهو كل وين نجوع ما نشتهي كان صحن المقلي




سارة بالشفاء البركوكش يشهي تبارك الله عليك

انا ما نطيبوش هنا بالكل


[ندعوك للتسجيل في المنتدى أو التعريف بنفسك لمعاينة هذه الصورة]

يم يم
فكرتوني بمقلي تونس
ريحته تشموها من كيلومتر


و البركوكش يشهي لكن اول مره نشوفه بالجلبانه
كان جى راجلك عند سروره راهو حطه على راسك ههههههههههههههههههههههه

انا البارح عملت مقرونه جاريه و معاها بريك
و هالايامات ماعينيش في الطياب

الضاهر الليله باش نعمل قريف
[ندعوك للتسجيل في المنتدى أو التعريف بنفسك لمعاينة هذه الصورة]

صباح النور

سروره محلاه صحن المحمص مممممممممممممممممم

يا جوجو شنوة قراف هذي يعني باش تخلينا بلاش تصاور [ندعوك للتسجيل في المنتدى أو التعريف بنفسك لمعاينة هذه الصورة]


اليوم بقدرة ربي ملوخية شهوة سي السيد

السلام عليكم ورحمة الله وبركاته


يعيشك جوجو اما زايد مقلي تونس ريحتو وحدهااااا


وشنوة قراف هذي صوري وصفاتك لا تو نجيك

اش حال ماكش انت صاحبت الفكرة!!!!!!!!!




بالشفاء ام شيماء على الملوخية انا عندي برشا ما طيبهاش

وربي يخليك لسي السيد وتصنفيلو اكثر واكثر



اليوم بقدرت ربي ناوية على محكك في الفطور

وشربة وسلاطة العشاء باذن الله

شاهية طيبة للجميع


[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههه
قرفت سايي
و سبحان الله راجلي روح ال1 و جابلي ساك معبى بالمعجانات ههههههههههههههههه
ريحني
[ندعوك للتسجيل في المنتدى أو التعريف بنفسك لمعاينة هذه الصورة]


لعيونكم هذا بريك البارح
[ندعوك للتسجيل في المنتدى أو التعريف بنفسك لمعاينة هذه الصورة]

الله يشفيك سارة ويعيشك ياااااااااااااااااارب



[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته



شنوة حوالكم اليوم يا طباخات؟؟



اليوم باذن الله دبارتي جلبانة وسلاطة خس

[ندعوك للتسجيل في المنتدى أو التعريف بنفسك لمعاينة هذه الصورة]

اهلين حلملم
انا ليوم ناويه على لوبيا
و ممكن كان تنشط فلفل محشي
و بث

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]</A>[ندعوك للتسجيل في المنتدى أو التعريف بنفسك لمعاينة هذا الرابط]

يم يم يم يم يم تبارك الله السلاطة والكفتة يشهو سارة بالشفاء ليكم

وتسلم الايادي يااااااااااااااااااااارب

حطي طريقة الكفتة بعد اذنك


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

يعيشك سارة حتى انا تقريبا كيفك اما من غير فرينة الخبز والبطاطة اكهو

وساعات نعملها حمراء وساعات زعرة انا والجو ههههههههههه

وما نعرفش نعمل بالحكار كيفك عيني ميزاني ديمة وفي كل شيء

يعطيك الصحة

[ندعوك للتسجيل في المنتدى أو التعريف بنفسك لمعاينة هذه الصورة]

يا سروره يهبل سحن السلاطة ماشاء الله عليك

و صحة ليكم ما طيبتوا

انا اليوم دجاجة بالفقاع و الكريم فراش

توة نرجع نحط الطريقة

[ندعوك للتسجيل في المنتدى أو التعريف بنفسك لمعاينة هذه الصورة]

نعطيكم طريقة الدجاج بالكرام فراش

قصيت دجاجة خليت الصدر للمريم باش تشويه (ريجيم)

تحكي في قصة حياتها

باهي بعد قليت الدجاج في الزيت حتى يحمار

نخرجه

و نفس الزيت نقلي الفقاع و البصل

نصب عليهم مرق دجاج عملته بطابع ماجي

طابعين عليهم نصف لتر ماء

و نصبه الدجاج والفقاع

نخليهم يغلوا حتى يطيب الدجاج

عملت دجاج فيرمة يبقى اكثر يطيب

بعد حطيت الكريم فراش

نخليهم يغلوا شوية نقص المعدنوس و نحطه معاهم

و التفويح ملح فلفل اكحل و شوية تابل

تنجم تعمل معاه فريت و الا روز ابيض ا لا خضرة طايبة

اليوم مازلت مش عارفة شنوة

الفطور مازال عندي من ا لدجاج و الملوخية

اما يلزم ندبر شنوة العشاء

نخمم في شرببة بالحوت و طاجين

السلام عليكم ورحمة الله وبركاته


يعطيكم الصحة يا حراير

تبارك الله ام شيماء يعطيك الصحة

وجوجو انا نا عنديش قراف ما نستعرفش بيه

نهار الي ماعينيش في الطياب نعمل مقلي بزربة من غير فريت كيف هاك النهار هههههههههههه

اليوم مازلت موش عارفة وزيد الما مقصوص رابطلي يديا

نشوف اسهل حاجة منعملها

شااااااااااااااااهية طيبة للجميع

هذا الفلفل محشي اول مره نجربه بالفلف لحمر
الحشو يشبه للطاجين
بطاطا مقليه و معدنوس و عظم و هنا استعملت التن و ملح فلفل اكحل و تابل و كركم و اكيد الجبن
نحل الفلفل من فوق نحشيه و بعد نقليه في الزيت موش غزير و بعد نصقسمه على 2 و نحطه في الفور

[ندعوك للتسجيل في المنتدى أو التعريف بنفسك لمعاينة هذا الرابط]

و هذا صحن عمروش قالي ماما حطلهم البوري متاعي ههههه

[ندعوك للتسجيل في المنتدى أو التعريف بنفسك لمعاينة هذا الرابط]

بالشفاء ليكم الكل

محلاه صحين عمروووش ان شء الله بالشفاء ليه

اعطيني مغرفة منووووووو [ندعوك للتسجيل في المنتدى أو التعريف بنفسك لمعاينة هذه الصورة]


جوجو الفلفل انا تقريبا نعمل كيفك اما من الاول نقسمو على 2 ونحشيه ونحطو في الفور من غير قليان صحي خير


بالشفااااء منظرو يشهي

اليوم عملت كبسة السعودية في الكوكوت ورتحت راسي

الراجل عامل قراف كيفك جوجو [ندعوك للتسجيل في المنتدى أو التعريف بنفسك لمعاينة هذه الصورة]







[ندعوك للتسجيل في المنتدى أو التعريف بنفسك لمعاينة هذا الرابط][/url]

صباح النور و جمعة مباركة على الجميع

جوجو محلاه المحشي ملون بالوان المغرب [ندعوك للتسجيل في المنتدى أو التعريف بنفسك لمعاينة هذه الصورة]

اما صحن عمور خير [ندعوك للتسجيل في المنتدى أو التعريف بنفسك لمعاينة هذه الصورة]

احلام صحة ليكم الكبسة اما ويني الطريقة

عندي ملاحظة علاش تحط القارص فوق كل طبق

البارح كنت باش نعمل شربة بدلتها حلالم مدبشة

[ندعوك للتسجيل في المنتدى أو التعريف بنفسك لمعاينة هذه الصورة]

نحط الحمص في الماء و الزيت ونخليه يطيب

قريب يطيب نزيد عليه العدس و الفول المصري و الجلبانة الشايحة
نجموا نحطوا فيها فول شايح منفخ اما ما حبيتش نكثر الفول
نخليهم يطيبوا

بعد نرمي البصل و السبناخ و المعدنوس

كيف يذبالوا نفوح بالطماطم معجونة هريسة فلفل احمر تابل فلفل اكحل

بعد ما يتقلوا مع التحريك نصب الماء

كيف يغلي نرمي الحلالم و النعناع الشايح محتحت

كيف تطيب الحلالم نطنفي عليها

هذي تصلح في ايام البرد تسخن

في الدار ما يحبها كان سي السيد وانا و مريم

كان عندك قديد تنجم تحط اما مع الحمص من الاول باش يطيب

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


ما شاء الله

بالشفاء ليكم سارة وجوجو

عيني يا عيني على الباربكيو

والجو الرومانسي

يا شريرة ما صورتي كان النااااااااااااار زايد الشر يقعد شرير

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]


سارة البيتزا سمحة تبارك الله موش عالية بشا

والفول يشهي بالشفاء لصاحبتك وربي يفرج عليها

اما بخصوص الفلفل ماني قتلك نحبو الحاااااااااار [ندعوك للتسجيل في المنتدى أو التعريف بنفسك لمعاينة هذه الصورة]

اما ما نكثرش من الهروس ولا الفلفل الاحمر على خاطر معدة محمد ما تتحملش


نعوض بالفلفل القرون باش ما يحرحرش برشا [ندعوك للتسجيل في المنتدى أو التعريف بنفسك لمعاينة هذه الصورة]
انا اليوم صبح مخي متبلوكي

وموش عارفة شنوة باش نطب



شاهية طيبة للجميع

هههههههههههههههههههههه احلام ضحكتيني
حلوه ما نحب كان النار
هذاكا الي قدرت عليه مع شدان لولاد نخاف عليهم كيف نعملو باربوكيو و هما تبارك الله يتحركو
المهم
صحنك يشهي
اختك تحب الباطاطا امممممممم

سروره
غريبه الصوره ما ضهرتش اصبري شوي تو تجي ممكن مشت تفرفر في الفوروم ههههه
و الفول اممممم يشهي نحبه برشا
تعرفي هنا يبيعو فيه حاضر لكن موش كيف الطايب في الدار سخون
تغرفي زادا اني كيف قلت لراجلي ناكلو الفول في دارنا
قالي احنا نعطو فيه للبقر
هههههههههههههههههههههههههههههههههههههه

صباح النور

حتى انا توة وين طلعوا التصاور جوجو

و الحوت فرش محلاه

فكرتني في منى مرة تغسل في كعبة سومون كبيرة حلتلها فمها ياخي تفجعت

ما نشوف كان في الطفلة تهزت وتحطت بعد ماتت بالضحك هههههههههه

و محلاها لهليبة البربكيو ياخي تسكن في شقة و الا دار وحدها ؟ لقافة قالت المصرية

باهي صحة ليكم الكل

سروره هذي نقولولها املات و العجة عندنا بطريقة اخرى ان شاء الله نحطها

البارح عملت طاجين

حطيت فيه صدور دجاج و بطاطة نقصها مكعبات و معدنوس

و فرماج مفروم و مرحي

و اللون الاحمر فلفل حلو قصيته مكعبات و حطيته ني مع الخليط

و التحت حطيت عجين المورق

[ندعوك للتسجيل في المنتدى أو التعريف بنفسك لمعاينة هذا الرابط]

و مريم عملت ليها بيتزا متاع ريجيم

العجينة بكلها نخالة و بالفرماج قليل الحريريات

و السومون

[ندعوك للتسجيل في المنتدى أو التعريف بنفسك لمعاينة هذا الرابط]

سروره
حتى انا رايي كيف ام شيماء
اكيد اوملات موش عجه
المهم الكلو بنين يم بيم راني ما نخلي شي هههه

ام شيماء
لا لقافه لا شي اسالي كيف ما تحبي
نسكن في فيلا و الحمد لله عندنا وين نعملو بربوكيو و خصوا البااع نقصد وين باش نذبحو هههه
والحوت كل جمعه المسيو يمشي يجيبهولنا من بحرو فرش

ومنى قللها يا خوااافه
مالا كان تقرا موضوع الصراصير هههههه

و يا عيني على بيتزا متاع مريومه
كان كل يوم ناكل وحده كيفها تو نعمل رجيم حتى انا
راني نحب برشا السمون
ناكلو حتى هكاكا هههههه
قلها كان ما تحبش تعجن و اتعب روحها تعملها بالخبر اللبناني ممكن تجي
شفتي كيفاش نعلمها البخل ههههههههه

طاجينك باين بنين الريحه وصلتلي
و فكرت البات من تحت روووعه و تبدبل عن العاده



000
انا ليوم با نطيب مقرونه بيضه بالفطر و الربيان
fraisier و عملت
تو نحط التصاور ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]



تبارك الله اليوم سبقتوني


يعطيك الصحة سارة اولا لانك ما نسيتناش حتى وانت خارجة وثاني على العجةالقابسة مممممممممممم بالشفاء ليكم





ام شيماء شفت محلاهم البنات تبارك الله كيف يعاونو؟

وعندها الحق منى تخاف الحوت كيف يبدا فراش وكبير يخوف وبالاخص كيف انت تحط ايدك باش تنضفو وهو يتحرك

انا هاني مرا وكبيرة والله لتو نخاف


ومريومة قلها بالشفاء ليك البيتزا تبارك الله تشهي يم يم يم



والطاجين منظرو برك تبارك الله جاني كيف طريقة الباركات

بالشفاء ليكم



جوجو بالشفاء ليك المقرونة

وهانا نستنو في التصاور



دبارتي اليوم مصلي حوت احمر


لقيت عندي زوزموسوات حوت اكهو عطعتهم جويدين

وفوحتهم

وفرشت في طبق الفور

من تحت بالكل

بصل

طماطم

بطاطة

طبعا الكل مقصوصين طرنشات جويدة

وقرون فلفل اخضر

ومن فوق بالكل الحوت

وزوبت مغرفة طماطم معجونة

مع مغرفة فلفل احمر

شوي كون وثوم مرحي

ملح فلفل اكحل وكركم وزيت

وطبيتهم فوقهم وغلفت الطبق بالاليمنيوم ودخلتو الفور

وقت الي طاب قصيت شوي معدنوس وبصل جويدين وزينت الطبق

وما نسيتش القااااااااااااااااااااااارص

وشاهية طيبة للجميع

[ندعوك للتسجيل في المنتدى أو التعريف بنفسك لمعاينة هذا الرابط]</A>

[ندعوك للتسجيل في المنتدى أو التعريف بنفسك لمعاينة هذا الرابط]

صحه المصلي حلملم
باين بنين

سروره
مالا الاسم واحد و المضمون مختلف ههههه
احنا العجه تشبه للمرقه بالعظم
تو ام شيماء اطيبها و تحطها
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

fraisierهذا
و اول مره نزينه بعجينة اللوز الحاضره
متعوده نزينه بالكريم شانتيي و من فوقها اللوز المحمس كيما الي حطيته في لجناب و نعمل فوقهم زينه بالفراز

الطريقه
تو نحطه في موضوع وحده ههههه

[ندعوك للتسجيل في المنتدى أو التعريف بنفسك لمعاينة هذا الرابط]


اليوم طيبت مصلي

طريقتي نحط اللحم في طنجرة و نقص معاه بصل و ثوم

زيت ملح فلفل اكحل كليل زعتر كركم سكنجبير وقرفة

و نقص معاهم كعبتين طماطم فرشك

نخليه يطيب

نقشر البطاطة و نقصها كيف الفريب اما خشينة و نقليها

نقلي قرون فلفل و كعبتين طماطم

بعد ما يطيب اللحم نصبهم في طبق و نحط فوقهم اللي قليته

و نحطه في الفور يحمار

اليوم خليته اكثر وقت نشفلي شوية [ندعوك للتسجيل في المنتدى أو التعريف بنفسك لمعاينة هذه الصورة]