يا نورة الفرق بين الجزائر و تونس

شوفي انت كتبت وفرغت قلبك من غير خوف

اما في تونس القلوب تغلي و اللي يحل فمه بكلمة مشى فيها

ما عندهمش الحق حتى يتكلموا و لا يتضاهروا

اكثرش المضاهرات من اجل غزة كانت محدودة جدا

القي القبض على العديد من المدونيين لانهم تكلموا على المضاهرات و ادلوا بآرائهم كيف ما كتبت انت توة على بلادك

ما نقولوا كان ربي يظهر الحق و يزهق الباطل

دخلوا حتى لفايس بوك و اخترقوا حسابات لمواطنين

وهذا المسكيييييييييييييين وينه حققققققققققققه

[ندعوك للتسجيل في المنتدى أو التعريف بنفسك لمعاينة هذه الصورة]

هذاك الشاب شرارة اندلاع التضاهرات

نفس الشاب اللي حطيت صورته في الموضوع الثاني

شاب متخرج و عنده شهادات عليى و ما لقاش العمل

عمل كميون صغير يبيع في الخضار لكسب لقمة العيش بالحلال

جاته عون شرطية و حبستله الكميون متاعه و سبته و بسقت عليه حشاك

كيف مشى للمعتمد يشكي هذا الاخير رفض مقابلته مشى شرى البنزين و حرق نفسه امام مقر المعتمدية

ربي يرحمه و يغفرله و ما يلز للمر كان اللي امر منه

و الكلام هذا كان يقروه توة يسكرولنا المنتدى اما شنوة المنتدى امام حياة البشر

حسبنا الله و نعم الوكيل

صورة محامي بعد الضرب و التعذيب

[ندعوك للتسجيل في المنتدى أو التعريف بنفسك لمعاينة هذا الرابط]

شهيدة من ولاية القصرين

[ندعوك للتسجيل في المنتدى أو التعريف بنفسك لمعاينة هذا الرابط]