ملا لازانيا انا تو جيعانة وليت ميتة بالشر يعطيك الصحة ام شيماء عالتصويرة و منى عالازانيا
لبنات صحة ليكم التصنيف انا ديما فصلان المهم فطور ديما زاربة

يعطيكم الصحة لبنات
انا الخضرة نشريها و نعطيها للبون تنظفهالي و الثوم نقشرو ماعنديش مشكلة في الطياب اما عندي مشكلة في التصنيف
هاني نهار الاحد و السبت نعمل حاجة باهية و زيد بديع عقدني ما ياكل حتى شيئ و كنعمل حاجة جديدة يقلي هذي ماكلة القورة ماناكلهاش حتى الذواقة ما يحبش يذوق
خليني نعمللكم ليستة في الحاجات الي ما ياكلهمش باش تعذروني
برودو شربة لسان عصفور
رشتة حلالم كسكسي و كل ما هو مفور ما يحبوش الا النواصر
الروز بجميع انواعو المحمصة مرقة الخضرة الملوخية
و التصنيف الكل الي يشبه لماكلة الوتلة
اتصورو اش بش نطيب

لبنات هو يقلي طيب الي تحب و ما يهمكش فيا و بعد ما نطيب الي نحب يقلي اعملي صحن مقلي نولي نبطل نطيب الي يحب هو با ما ناقفش عالكوجينة مرتين اما ساعات نقلو تاكل ولا ترقد
انا اليوم عملت مرقة جلبانة

سروره كتب:

صحه وبالشفي ليكم ماعملتو لبنات
اني ليوم عملت شربه مباوخه
...

يا حيوتة عندك الحق ما تعرفوش نقلو يا ولدي ذوق
ذوق و ما تاكلش يقلي لا حتى الذواقة لا اتصور مش شيئ ينرفز

جوجو خليتلك رد مفلفل في صفحة الشلايك متع ام احمد بر شوف و رد بالك اتدوخ

عنكم الحق ما يحب شيئ و زيد تو يقلي شنوة ناكل ماكلة ثلاثة ايام
اما بالحق فكرة هو يحب الرفيسة الحلوة تو نعملهالو يولي ياكلها عشاء و فطور
يعطيكم الصحة تجيني في تعب طيابها و قصانها مش مشكلة
لبنات شكون تعمل الرفيسة الحلوة الي تتقص مربعات و تتفور و تزيدها زبدة و سكر

يعطيك الصحة جوجو
لو كان نعملهم لبديع هذوكم الما يطيح ساكت
اليوم عملت كسكروت ملاوي
ميوناز و شورمة و بصل و طماطم و فقوس و بطاطا مقلية و جبن و نكتة هريسة على خاطرني ما ناكلش الحار